Buisness Batmya
मुंबईः आज शेअर बाजाराची सुरुवात खूपच सावध दिसत असून सेन्सेक्स-निफ्टी सपाट उघडल्यानंतर खालच्या पातळीवर उघडले. बुधवारी भारतीय शेअर बाजाराने किरकोळ घसरणीसह व्यवहाराला सुरुवात केली आणि जागतिक बाजाराचा दबाव गुंतवणूकदारांवर स्पष्टपणे दिसून आला. बाजारात फ्लॅट उघडल्यानंतर गुंतवणूकदारांनी विक्री सुरू केली आणि तोटा दिसू लागला. मागील दोन व्यापार सत्रांमध्येही कमजोर सुरुवात असूनही बाजार तेजीसह बंद झाला होता.
या कंपनीच्या शेअरने गुंतवणूकदाराचे 1 लाखाचे झाले 45 कोटी
आज सकाळी सेन्सेक्स 1 अंकाच्या घसरणीसह 61,295 वर उघडला आणि व्यवहाराला सुरुवात झाली तर निफ्टी 2 अंकांच्या घसरणीसह 18,231 वर उघडला आणि व्यवहाराला सुरुवात झाली. आज जागतिक बाजारातील घसरणीमुळे गुंतवणूकदारांच्या भावनेवरही नकारात्मक परिणाम झाला आहे. सकाळी 9.31 वाजता सेन्सेक्स 2 अंकांच्या वाढीसह 61,296 वर व्यापार करत होता, तर निफ्टी 2 अंकांच्या घसरणीसह 18,229 वर व्यवहार करत होता.
गुंतवणूकदारांनी आज सुरुवातीपासूनच इंडसइंड बँक, ब्रिटानिया, सन फार्मा, बीपीसीएल आणि एशियन पेंट्स यांसारख्या कंपन्यांचे शेअर्स खरेदी केले आणि सततच्या गुंतवणुकीमुळे हे शेअर्स टॉप गेनर्सच्या यादीत आले. दुसरीकडे, हिंदाल्को, ओएनजीसी, जेएसडब्ल्यू स्टील, पॉवर ग्रिड कॉर्प आणि एसबीआय लाइफ इन्शुरन्स सारख्या कंपन्यांमध्ये विक्री झाली, ज्यामुळे हे स्टॉक टॉप लूजर्सच्या श्रेणीत आले.
